11. JARDUERA
ESKETXA PRESTA DEZAGUN
Esketxa prestatzeko eta entsaiatzeko ordua iritsi da. Bazen garaia! Testua idatzita dagoenez, taldekideen artean honako ardurak banatu beharko dituzue:
Entsaioa egin eta gero, sortu diren oharrak jaso eta grabatutako bideoa ikuskatuko duzue, esketxaren behin betiko bertsiora iritsi arte.
Emanaldiari begira, bestalde, ‘Antolakuntza-taldea’ osatu beharko litzateke talde txikitako partaide banarekin emanaldia antolatzeaz arduratu dadin: eguna eta ordua finkatu, ikastetxeko beste geletan publizitatea egin eta beraien partaidetza berretsi, aurkezlea izendatu eta emanaldiaren lekua prest eduki.
Esketxa prestatzeko eta entsaiatzeko ordua iritsi da. Bazen garaia! Testua idatzita dagoenez, taldekideen artean honako ardurak banatu beharko dituzue:
- Produkzio-arduraduna. Esketxerako behar den guztia prest edukitzeaz arduratuko da: entsaiatzeko lekua, objektuak, arropak, edo behar den zernahi.
- Grabaketa-arduraduna. Komeni da entsaioa grabatzea, errepasatu eta hobetu ahal izateko. Grabaketarako materiala lortzeaz eta grabatzeko leku egokia aurkitzeaz arduratuko da.
- Gidoi-arduraduna. Entsaiorako gidoiak inprimatuta izateaz arduratuko da eta entsaioan zehar gidoian sor daitezkeen aldaketak jasoko ditu.
- Zuzendaria. Esketxaren eszenaratzearen ardura izango du. Aktoreak zuzenduko ditu eta hauek non eta nola kokatuko diren zehaztuko du.
Entsaioa egin eta gero, sortu diren oharrak jaso eta grabatutako bideoa ikuskatuko duzue, esketxaren behin betiko bertsiora iritsi arte.
Emanaldiari begira, bestalde, ‘Antolakuntza-taldea’ osatu beharko litzateke talde txikitako partaide banarekin emanaldia antolatzeaz arduratu dadin: eguna eta ordua finkatu, ikastetxeko beste geletan publizitatea egin eta beraien partaidetza berretsi, aurkezlea izendatu eta emanaldiaren lekua prest eduki.
