2. JARDUERA
ZER DIRA HIZKUNTZAK ETA ZER DIALEKTOAK?
 
Askotan ez da erraza jakiten hizkera mota bat hizkuntza ote den ala dialektoa. Euskal Herritik gertu valentzieraren adibidea dugu: hizkuntzalari guztientzat katalanaren dialektoa den arren, badira aparteko hizkuntza dela defendatzen dutenak. Eta gertuko beste kasu bat aipatzearren: gailegoa zer da, hizkuntza ala portugesaren dialektoa?
 
Gaira hurbiltzeko eta zalantzak argitzen hasteko, ikus dezagun Okzitaniatik Euskal Herrira etorritako Lionel Joly soziolinguistari egindako elkarrizketa.
Transkripzioa deskargatu
Lionelek azaldu digu zer den hizkuntza bat eta zer den dialektoa, baina berak adierazi duen bezala, bien arteko mugak ez dira horren garbiak.

Hizkuntzak eta dialektoak zerk bereizten dituen argitzeko, erantzun ondorengo galdera hauek lan-koadernoan duzun taula erabiliz.
 
  • Zeintzuk hitz egiten dira eremu geografiko zabalagoetan, hizkuntzak ala dialektoak?
  • Zer ulertzen da hobeto, beste hizkuntza bat ala beste dialekto bat?
  • Zein lotuko zenuke botere politikoarekin?
  • Zein da batzuk eta besteak bereizteko aldagairik garrantzitsuena?
  • Hizkuntzen eta dialektoen arteko bereizketa, garbia da ala lausoa da?
​
Bakoitzak bere erantzunak idatzi eta gero, talde txikitan eztabaidatuko dituzue, talde bakoitzaren iritzia (edo iritzi nagusia) garbi izan arte.