Denok entzun dugu energiaz hitz egiten, eta ziur asko denok erabili izan dugu hitz hori askotan, esaterao: «Elikagaiek energia ematen dute». «Energia» terminoa etengabe erabiltzen dugu era guztietako adierazpenetarako, nahiz eta, askotan, adierazpen horiek zentzurik ez izan eta oso argiak ere ez izan. Fisikariek ez dute zalantzarik izaten energiaz hitz egiten dutenean, baina guk ba al dakigu energia benetan zer den? Ikertu dezagun.
Proposamen didaktiko honen aztergaia energia izango da, hau da, sistema fisiko guztiek eta bizitzaren forma guztiek berezkoa duten hori; beraz, energiaren jatorria, neurketa, transformazioak eta kontserbazioa, eta, azkenik, erabilera arduratsua aztertuko ditugu.
Energia zer den ikertuko dugu, eta horretarako, hainbat erronka eta arazo-egoerari aurre egingo diegu. Era berean, gure gizartean kultura zientifikoa ezinbestekoa dela frogatuko dugu, bai eta oso baliagarria ere gure eguneroko bizitzan.
Ikerketa zientifikoak, simulazio digitalak eta irakurketa zientifikoak egingo ditugu, eta hainbat PISA gai ebatziko ditugu.
Hausnartu gabe ikastea energia alferrik galtzea da.
konfuzio
