Orain, informazio gehiago dugunez, erregaiak alderatzeko eta karbonoa atzitzeari eta biltegiratzeari buruzko jarduera batzuk egingo ditugu. Sortzen zaizkigun zalantzak denon artean argituko ditugu, «zalantza-zorroa» dinamikaren bidez.
2. Jarduera
Erregaiak alderatzen
Bioerregaiek hainbat abantaila dituzte ingurumenerako; baina, hala ere, erregai fosilen erabilera oso ohikoa da oraindik ere. Hurrengo taula honetan petrolioa eta etanola erretzen direnean sortzen diren energia eta CO2-a alderatzen dira. Petrolioa erregai fosil bat da, eta etanola, berriz, bioerregai bat.
|
Erregai-iturria
|
Sortutako energia
(kJ energia/g erregai)
|
Isuritako karbono dioxidoa (erregaiak sortutako CO2/kJ-en energia mg)
|
| Petrolioa |
43,6 |
78 |
| Etanola |
27,3 |
59 |
|
a.-Taularen arabera, zergatik izaten da nahiago etanolaren ordez petrolioa erabiltzea, nahiz eta kostua berbera izan?
|
|
Erantzuna:
|
|
b.-Taularen arabera, petrolioaren ordez etanola erabiltzeak zer abantaila du ingurumenerako?
|
|
Erantzuna:
|
3. Jarduera
Karbonoa atzitzea eta biltegiratzea
Karbonoa atzitzea eta biltegiratzea zera da, zentral elektrikoek isuritako CO2-aren zati bat atzeman eta atmosferara berriz isuri ezingo den leku batean biltegiratzea. CO2-a biltegiratzeko balizko leku bat itsasoa da, CO2-a uretan disolbatu egiten baita.
Zientzialariek eredu matematiko bat garatu dute, hiru sakonera ezberdinetan (800 metro, 1.500 metro eta 3.000 metro) itsasora ponpatu ondoren ehuneko zenbat CO2-k biltegiratuta jarraitzen duen kalkulatzeko. Eredu horrek hipotesi hau hartzen du oinarri: demagun CO2-a 2000. urtean ponpatu zela itsasora. Grafiko honetan eredu horren emaitzak azaltzen dira.
- Erabil itzazu grafikoko datuak eta azaldu ezazu sakonerak eraginkortasunari nola eragiten dion CO2-a itsasoan epe luzean biltegiratzen denean.
|
|
Erantzuna:
|
4. Jarduera: "Zalantza-zorroa"
Hasteko, jarduerak banaka egin eta zalantzak idatziko ditugu. Gero, lauko taldeetan jarri eta sortutako zalantzak argitzen saiatuko gara. Argitu gabe geratzen diren zalantzak post-it batean idatzi eta zalantza-zorroan sartuko ditugu.
Zalantza guztiak zorroan sartu ondoren, ikasgela osoko taldeak banan-banan atera, irakurri eta guztien artean ebatziko dira, irakaslearen laguntzarekin.
- Ikaskideekin erkatuko ditugu:
Irakasleak erantzunak emango dizkigu, erantzun horiek erkatu egingo ditugu, eta, ikasgelako talde guztion artean, lortutako emaitzen gaineko eztabaida egingo dugu, labur-labur.
Amaitzeko, banaka hausnartuko dugu, galdera hauek baliatuz:
- Non izan dut zailtasun handiena? Zergatik?
- Zer izan da errazena? Zergatik?
- Ikasgelan ikasitako zer kontzeptuk balio izan didate erantzuteko?
- Zer berrikusi behar dut edo hobeto ulertu? Nork lagun diezadake?
