IKASI!
Egiturek EZAUGARRI hauek dituzte:
- Egonkortasuna:egitura bat egonkorra da zutik egoteko gai bada, erori gabe.
- Grabitate-zentroa:edozein gorputzen puntu horretan aplikatzen da pisu guztia eta ez da aldatzen, egiturak edozein posizio hartuta ere. Zenbat eta hurbilago egon grabitate-zentroa egituraren oinarritik, hainbat eta egonkorragoa izango da.
- Zurruntasuna:egitura bat zurruna da esfortzuak jasan arren desitxuratzen ez bada.
- Erresistentzia:egitura bat erresistentea da beraren osagai guztiek elkarri laguntzen diotenean kargak eta esfortzuak jasaten, egitura deformatu, apurtu edo eror ez dadin.
JARDUERAK EGIN
7. Banakako jarduera: Ikus dezagun ea ulertu duzun. Egin egituren ezaugarriei buruzko ariketa hau. Horretarako, kontuan hartu ariketak 3 urrats dituela eta banan-banan gainditu behar dituzula.
Egin klik hemen ariketa deskargatzeko.
8. Taldekako jarduera: Badakizue nolakoak diren egiturak, zein diren haien osagaiak eta zer baldintza bete behar duten ondo funtzionatzeko. Orain bilatu egituren ezaugarriei buruzko informazioa: egonkortasuna, grabitate-zentroa, zurruntasuna eta erresistentzia.
Launaka, koordina zaitezte informazioa bilatzeko eta power pointeko aurkezpen bat sortzeko laburpenarekin eta azalpen grafikoekin. Gero, azaldu zuen lanak gainerako ikaskideei.
9. Banakako jarduera: Ikus dezagun kontzeptuak argi dauzkazun. Adierazi baieztapen hauek egia ala gezurra diren.
Egin klik hemen ariketa deskargatzeko.
