AURKEZPENA

Sekuentzia didaktiko honetan, ikusmen-urritasuna duen pertsona batek kirola nola egin dezakeen eta, egokitzapen batzuk eginez edo laguntza-tresna batzuez baliatuz, lehiaketetan nola parte har dezakeen ikusiko du ikasleak. Beste asmo bat ere badu: ikasleek aintzat hartzea zer ahalegin egiten duten pertsona horiek eta zer sakrifizio- eta gainditze-espiritu duten.

6-8 saiotan garatzeko pentsatua dago unitatea, eta kontzeptu-bloke bakoitza saioetako bakoitzean aztertzeko. Erdi olinpiar joko berezien sarreratik hasiko dira, eta, ondoren, kiroletako bakoitza aztertuko dute.

HELBURUAK

• Ikusmen-urritasuna duten pertsonek kirol-jarduerak egitean dituzten arazoen eta zailtasunen aurrean sentsibilizatzea.
• Gizarte inklusibo baten alde, ikusmen-urritasuna duten pertsonekiko norbanako eta taldekako kontzientzia bultzatzea.
• Ikusmen-urritasuna duen kolektiboaren gizarte-integrazioa sustatzea eta bizi-kalitatea hobetzea.
• Ikusmen-urritasunak dituzten pertsonekiko begikotasuna eta enpatia, eta laguntzeko jarrera izatea.
• Jakitea zer egokitzapen egiten diren kiroletan, ikusmen-urritasuna duten pertsonen parte-hartzea eta normalizazioa errazteko.

EDUKIAK

KONTZEPTUAK	PROZEDURAK	JARRERAK
Olinpiada berezietako kirolak Urritasun-mailak kiroletan Taldekako kiroletako araudiaren egokitzapenak Bakarkako kiroletako araudiaren egokitzapenak Kanpoko kiroletako araudiaren egokitzapenak Goalballa	Ikusmen-urritasuneko pertsonek kirola egiteko arazoei irtenbideak bilatzea Kirol-jarduerak egitea Ikusmen urriko pertsonek kirolen aurrean dituzten beharrak jakitea eta aztertzea Joko olinpikoen eta olinpiada berezien arteko aldeak eta berdintasunak aztertzea	Ikusmen-urritasuna duten pertsonen beharrak aintzat hartzea Itsuen sarrera eragozten duten arkitektura-oztopoen analisi kritikoa Ikusmen-urritasuna duten pertsonen eskubideen defentsa Ikusmen-urritasuna duten pertsonekiko jarrera enpatikoa

METODOLOGIAREN AZALPENA Gaikako hiru bloketan egituratua dago sekuentzia didaktikoa: TALDEKAKO KIROLAK BAKARKAKO KIROLAK KANPOKO KIROLAK Sekuentzia didaktikoaren hasieran sarrera orokor bat egiten da: hausnarketarako galdera batzuk eta gaikako bloke bakoitzerako lotura agertzen dira. Ikasle bakoitzak komenigarria iruditzen zaion moduan landu dezake gaikako bloke bakoitza. Unitatearen amaieran, zabaltze-jarduera bat eta autoebaluaziorako galderak proposatzen dira, gaikako hiru blokeak landu ondoren.

GAITASUNAK Irakaslearen eginkizuna ikasleak, jardueren bidez, gaitasun hauek gara ditzan laguntzea da: Gizarterako eta herritartasunerako gaitasuna Zientzia-, teknologia-, eta osasun-kulturarako gaitasuna Hizkuntza-komunikaziorako gaitasuna Informazioa tratatzeko eta teknologia digitala erabiltzeko gaitasuna Giza- eta arte-kulturarako gaitasuna Ikasten ikasteko gaitasuna Norberaren autonomiarako eta ekimenerako gaitasuna

BALIABIDEAK

	BALIABIDEAK
0. Sarrera Hausnartzea Sakontzea: ikertu Autoebaluazioa	Autoebaluaziorako galdetegia
1. Taldekako kirolak egiten ditut Banakako jarduera (3) Taldekako jarduera (1)	PDF: Itsuentzako Kirola PDF: Areto Futbola JClic: Egia ala okerra 1 PDF: Goalball Sarrera JClic: “Taldekako kilorak”
2. Bakarkako kirolak egiten ditut Banakako jarduera (4) Taldekako jarduera (1)	Dokumentua: Judo PDF: Itsuak eta igeriketa JClic: Egia ala okerra 2
3. Kanpoko kirolak egiten ditut Banakako jarduera (3) Taldekako jarduera (1)	Jclic “barra” Acceedu “galdetegia” Jclic “kirolak” Acceedu “bideoak etiketatu”

EBALUAZIOAREN AZALPENA

Prestakuntzazko ebaluazioa egitea proposatzen da, ikerketa-lanen berrikusketa, elkarrekin egindako lanetan izandako parte-hartzearen jarraipena eta jardueretan lortutako emaitzen jarraipena oinarri hartuta.

Horretarako, zenbait ebaluazio-irizpide ematen ditugu, ikasleak jakin dezan zeren arabera izango den ebaluatua eta irakasleak erreferentzia bat izan dezan bere ebaluazio-lanerako.

Honako hauek dira lorpen-adierazleak:

• Badaki zein diren itsuek edo ikusmen-urritasuna duten gainerako pertsonek kirol-jarduerak egiteko beharrezko dituzten egokitzapenak.
• Ulertzen du zein diren ikusmen urriko pertsonek kirol-jarduerak egitean dituzten beharrak.
• Garrantzitsua deritzo ikusmen-urritasuna duten pertsonen eskubideak defendatzeari eta normaltasunez gizarteratzearen aldeko borrokari.
• Aitortzen ditu itsuek edo ikusmen urriko gainerako pertsonek duten sakrifizio- eta gainditze-espiritua eta kirolak haien bizitzan duen garrantzia.
• Badaki zein diren itsuen edo ikusmen urriko gainerako pertsonen kirol-jarduera errazten duten tresnak.
• Autonomiaz ikertzen du sareko zenbait informazio-iturritan.
• Informazioa sintetizatzeko eta kritikoki aztertzeko lanak egiten ditu.
• Lantaldeetan parte hartzen du, zereginak egiteko

Horrez gain, ikasleak autoebaluaziorako galdetegi bat ere badu, zenbat ikasi duen eta taldeko lanetan nola jarduten duen eta zenbateraino parte hartzen duen ebaluatzeko.