Garapena

Gaur esploratzaileak izango gara eta irakasleak adierazitako gunean angeluak bilatuko ditugu.

Argazki-kamerarekin, aurkitzen ditugun angelu guztien argazkiak aterako ditugu.

Argazkiak kontu handiz aterako ditugu: kamerak angelua zuzenean fokuratu behar du, ondoren, ikuspuntuarekin arazorik ez izateko.

 

Jarduerak

Aurkitzen ditugun angeluei argazkiak aterako dizkiegu eta, ondoren, honako eduki hauek landuko ditugu:

• Angelu baten elementuak: angelua eta angelu-eremua, aldeak eta erpina.
  
• Angeluen sailkapena: zuzenak, zorrotzak, kamutsak, lauak eta osoak.

 

Material informatikoa eta ikus-entzunezkoa

• Argazki-kamera digitala

Antolaketa

Lantaldeen antolaketa.

Hainbat angeluri argazkiak ateratzea kamera digitalarekin.

Bateratze-lana.

Prozedura

Lantaldeak antolatzeko eta egin beharrekoa berrikusteko, 10 minutu erabiltzea proposatzen dugu.

4 edo 5 ikaslez osatutako talde bakoitzak 10-15 argazki digital aterako ditu. Argazkiak landutako angelu motak dituzten objektu edo espazioei aterako dizkiete eta angelu mota guztiak topatzen saiatuko dira. Garrantzitsua da ikasleei gogoraraztea eraikuntza edo altzari batean aurki ditzakegun angelu gehienak zuzenak direla.

 

Ebaluazioa

Jardueran erakutsi dituzten jarreren balorazioa.

Oharrak

Eskolan ez bada kamera digital nahikoa, proposatu ikasleei beren kamerak ekartzeko edo, bestela, dauden kamerak txandaka erabil ditzakete.

Fitxategiak Saioa kualitatiboki ebaluatzeko orientabideak. (Angeluak 2)
Saioa kuantitatiboki ebaluatzeko orientabideak. (Angeluak 2)
Oharrak

Jarduera egiteko, oso interesgarria da aukeratu dugun lekuaren (eskolaren, ikasgelaren...) plano batzuk edukitzea.